Datozen hilabeteetan gure soropila polita egon dadin, egin beharreko lan batzuk daude aurretik. Urtean zehar egin beharreko lan hauek ondorengoak dira: belarra ebakitzea, ureztatzea, aireztatzea, errezeboa, bir ereitea, aratzea, ongarritzea eta jorratzea.

Martxoan zehar ondorengo lanetan jardun beharko duzu:

Belarra ebakitzea: 
Martxotik maiatzera bitarte, hilabetean 2-3 aldira areagotuko dugu belarra moztea, hurrengo hilabeteetan hilabetean behin egingo da abuztura arte eta ondoren berriz, belar mozteen frekuentzia jaitsiko dugu.

Ongarritzea: 
Udaberria da momenturik egokiena soropila ongarritzeko, erabili  soropilarentzat apropos ekoizten diren ongarriak.

Ureztatzea: 
Ureztatzea ere, kalitatezko soropil bat edukitzeko faktore garrantzitsua da, soropil hazirik gehienak oso zorrotzak direlako urarekin. Oso ohikoa da gehiegi ureztatzea, horregatik klimari erreparatu beharko diogu. Bero gehien egiten duen aroetan, eguneko ordu nagusietan ureztatzea saihestuko dugu. Mozteko makinaren 3.maila baino baxuago ez moztea gomendatzen da, baina mozketen frekuentzia mantendu egin beharko da.

Aireztatzea: 
Denborarekin, soropila trinkotzen joaten da, arrazoi horregatik, sustraiak ez dira ondo garatzen eta ez dute behar duten ur kopurua jasotzen.  Martxoan zehar gure soropila aireztatuko dugu lurretik zati txikiak kenduz.

Errezebatzea: 
Hare, lurrustel edo bien nahaste bat soropila gehitzean datza. Aireztatzearen ondoren egin beharreko lan bat da, kendutako soropil pusketan botatzen bada, hazi berriek sustraiak hobe garatuko dituztelako eta horrela soropilaren kalitatea hobea izango delako.

Aratzea: 
Soropil askotan soberakin begetal, goroldio eta lurra gelditzen dira belarraren basean. Honek soropila iragangaitza egiten du eta onddo eta izurriteen agerpenari ateak irekitzen dizkio. Hau ez gertatzeko, aratu egin beharko duzu, hau da, soropilaren gaineko geruza urratzea. Arrastelu bat erabil dezakezu azalera txikietan edo eskarifikatzaile bat lursail handiagoan.

Bir ereitea: 
Batzuetan soropilean soilguneak sortzen dira, bertan egin beharko duzu bir ereitea. Egin baino lehen errezebatzea egin beharko duzu kondizioak hobetu nahi badituzu.

Begira ezazu ondorengo taula non zure soropilari dagozkion zaintzak ematen diren hilabetez-hilabete.